Artxiboa laburpen hitzeka: esparru

Esparru gaztetxearen urteurrena ospatuko dugu larunbatean

Pasa den abuztuaren 20an 8 urte bete ziren Esparru gaztetxea lehen aldiz zapaldu genuenetik. Urtero egun hori heltzen denean, are kontzienteago gara denboraren joanaz eta nahitaez atzera egiten dugu so, milaka bizipen gogora ekarri nahian. Kosta egiten zaigu askotan, gure garunak ez duelako agian behar bezainbeste kapazidade oroitzapen guztiak barnean erregistratzeko. Baliteke ere, lausoki gogoratzea. Guztion artean, ordea, zer edo zer eraikitzea lortzen dugu, gure esperientziaren parte izan dadin, eman dugun pausu orok egin baitu posible herri mugimendua eta Esparru gaztetxea aktibo eta bizirik egotea. Iraganaren ondorio gara, onerako eta txarrerako; nor garen ahaztu gabe bagoaz aurrera!

Eta 8. urteurrena ospatzeko, larunbatean jaialdia ospatuko dugu Zizurren! 10:00etatik aurrera festa eta jai giroan elkar gozatzeko aukera izanen dugu! Bazkarirako txartelak Esparru gaztetxean daude salgai 7 eurotan.
Han ikusiko dugulakoan elkar,

Gora Esparru!

Guardia Zibilak ilegalki Esparru Gaztetxea miatu du

Astelehen arratsaldean Esparru Gaztetxe ondoko portaleko bizilagun bat atxilotu zuen Guardia Zibilak drogekin trafikatzea leporatuta. Gizon honek ez du gaztetxean parte hartzen eta ez da normalean bertan sartzen, baina antza, kasualitatez, astelehen arratsaldean gaztetxera sartu zen bertan zegoen gazte bat agurtzera. Barruan zegoela guardia zibil ugari agertu ziren plazan eta bere portalera joan ziren. Gizon hau gaztetxean geratu zen polizia ekiditeko baina Guardia Zibilak gaztetxean zegoela ikusi eta bertan sartu zen tipoa atxilotzeko.

Argi eta garbi azaldu nahi dugu Esparru Gaztetxeak ez duela inolako loturarik atxiloketa honekin, eta horrekin batera, ozen salatu nahi dugu Guardia Zibila atxiloketa hori baliatuta gaztetxean sartu dela inolako erregistro agindurik gabe eta gaztetxea miatzeko aprobetxatu duela. Uztailak 8 izanik (Sanferminak eta German Rodrigez-en erailketaren urtemuga) gaztetxean 3 gazte zeuden bakarri k momentu horretan, eta poliziek armak eskutan zituztela gaztetxeko gela ezberdinak gainetik miatu eta hainbat argazki atera zituzten.

Gaztetxetik kutxa bat eraman zuteneko susmoa zabaldu da ere. Atzo arratsaldean gaztetxea gainetik begiratu genuen eta momentuz faltan ezer ez botatzen dugun arren ezin dugu konfirmatu zerbait eraman duten edo ez. Datozen egunotan gaztetxea ongi begiratuko dugu jakiteko zerbait eraman edota utzi diguten.

Azkenik, gure Autogestio Proiektuan adostu genuen moduan eta hainbat alditan berretsi dugun moduan, trapitxeoak gaztetxean tokirik ez duela azpimarratu nahi dugu, hala eztabaidatu eta adostu baitugu hainbat topaketetan.

———

La Guardia Civil a registrado ilegalmente el Gaztetxe Esparru

 El lunes por la tarde la Guardia Civil detuvo a un vecino del portal de al lado del Gaztexe Esparru acusado de traficar con drogas. Este hombre no participa en el gaztetxe y normalmente no suele entrar en el, pero al parecer, por casualidad, el lunes por la tarde entró en el gaztetxe a saludar a un joven que estaba ahí. Cuando estaba dentro aparecieron muchos Guardia Civiles dirigiéndose a su portal. El hombre entró en el gaztetxe para evitar a la policia, pero la Guardia Civil viendo que estaba dentro entró para detenerlo.

Queremos explicar alto y claro que el Gaztetxe Esparru no tiene ninguna relación con dicha detención, y junto a ello, queremos denunciar que la Guardia Civil utilizó la detención para registrar el gaztetxe sin ninguna orden de registro. Siendo 8 de julio (Sanfermines y el aniversario del asesinato de German Rodrigez) solo había tres jóvenes en el gaztetxe en ese momento, y la policía, armas en mano, registraron diferentes habitaciones y sacaron varias fotos.

Se ha extendido el rumor de que se llevaron una caja del gaztetxe. Al día siguiente miramos por encima el gaztetxe y de momento no echamos nada en falta, aunque no podemos confirmar que no se hayan llevado nada. En los próximos días miraremos bien el gaztetxe para saber si se han llevado algo o no.

Finalmente, tal y como consensuamos en el Proyecto de Autogestión y hemos corroborado bastantes veces, los trapicheos no tienen cabida en el gaztetxe, pues así quedó debatido y decidido en las topaketas realizadas.

Zizurko talde feminista aurkeztuko dugu ostiral honetan Esparru gaztetxean

presentacion del grupo feminsta-1talde feministaren aurkezpena

Zizurko talde feminista aurkeztuko dugu ostiral honetan, ekainak 14, Esparru gaztetxean. Giro aparta egoteaz gain, pintxo goxoak egonen dira salgai eta Mugan musika taldeko bi kideren akustikoarekin gozatu ahal izanen dugu. Horrez gain, gogoratu asteburu honetan zehar LadyFest ospatuko dela Jaso ikastola zaharrean; ostirala, larunbata eta igandea ekintzez josita egonen da.

Animatu eta hurbildu aurkezpenera!

Gora borroka feminista!

——–

Este viernes vamos a hacer la presentación del grupo feminista de Zizur en el gaztetxe Esparru. Aparte del buen ambiente, habrá pintxos y podremos gozar del acústico de dos amigas del grupo Mugan. Además, queremos recordar que este fin de semana se celebra el festival LadyFest en la vieja ikastola Jaso; el viernes, sábado y domingo estáran llenos de actividades.

Animate y ven a la presentación!

Gora borroka feminista!

 

Ernai EHko gazte antolakunde berriaren aurkezpena eginen da Esparru Gaztetxean

 

Zizurko Ernai-ren oharra:

Martxoaren 2an ospatu zen Lizarran Ernai Euskal Herriko gazte antolakunde berriaren I. kongresua. Irailean abiatu zen Zukgua prozesu eratzailearen uzta da Ernai. Euskal Herriko gazteok, lekuan leku, munduaren azterketa orokorra, ziklo politikoaren irakurketa eta gazte estrategiaren nondik norakoen inguruan eztabaidatu genuen. Eta gogotsu atera gara ideien hartu-eman horietatik. Somatu besterik ez zegoen Lizarrara urrreratu ginenon arteko giroa. Barrez eta algaraz, izena behingoz jakiteko urduritasuna, eguraldiak eskainitako eguzkiaren berotasun goxoa, ekitaldiari hasiera, txalo zaparradak hara hona, falta zirenak gogoan… Indar berriturik atera ginen gazteok frontoitik, ekitaldian entzundakoak eta sentitutakoak, gure ideietan berretsi baikintuzten; piztia pizteko azken urratsa. Elkartasuna nabaria zen eta lanean hasteko gogoa ere bai. Antolakuntzaz, independentzia, sozialismoa eta feminismoaren bidean jardungo du Ernaik, oztopoak oztopo, errealitateari aurre eginez, alternatibak eraikiz. Oraina gu garelako, Ernai garelako.

Eta Zizurren martxan gaude jada! Hortaz, martxoaren 16an, larunbata, Esparru gaztetxean eginen dugun aurkezpenera gonbidatzen zaituztegu. Ordurarte, segi borrokan!

 

M8aren harira ekimenak antolatu dira Zizurren astean zehar

Emakumearen  Nazioarteko Egunaren harira pare bat ekimen antolatu ditu ZGAk Zizurko Esparru gaztetxean astean zehar. Martxoaren 6an Amaia Perez de Orozco ekonomilari feministaren bideo bat proiektatuko da. Bestalde, martxoaren 8an Iruñeko manifestaziora joateko deialdia luzatzen dugu hemendikan. Gauerako afari autogestionatua antolatu da.