Bilboko Uribarri auzoko Patakon gaztetxea desalojatu dute!

Polizia iturriek jakinarazi dutenez, goizeko seiak inguruan, hainbat ertzain agertu dira Bilboko Uribarri auzoan dagoen Patakon gaztetxera eta, hustarazteko agindu bat tarteko, barnean zeuden bost lagunak kanporatu egin ditu.

Iturrien arabera, hainbat lagun agertu dira geroago gaztetxearen hustarazpena salatu eta haren proiektua defendatzera. Ez da inolako istilurik egon, betiere Ertzaintzak emandako informazioak dioenez.

Patakon kolektibo sozialeko kideek ekainaren hasieran jarri zuten martxan gaztetxea, Matiko kalean dagoen eraikin hutsa aprobetxatuz. Mende erdi zeraman erabili gabe.

Ekainaren 15ean, ehunka lagunek manifestazioa egin zuten Uribarrin, gaztetxearen beharra aldarrikatu eta eraikinaren jabeei egoerari konponbidea aurkitzeko gonbitea egin asmoz.

Ekimenak:

• Gaur, 11:00etan: prentsaurrekoa
• Ekainak 28, osteguna, 11:00etan: Kazerolada udaletxean
• Ekainak 29, ostirala, 17:00etan: INAUGURAZIOAREKIN AURRERA!

ANIMO GAZTEAK!

GAZTETXEAK AURRERA!

info+ naiz.info , topatu.info ,

Patakon Gaztetxean sartu, 14 kide identifikatu eta nahi duenean hustu dezakeela mehatxu egin die Ertzaintzak

Sartu direneko bideoa: http://bambuser.com/v/2740271

Uribarriko bizilagunek jakinarazi dutenez, arratsaldeko 18:30ak aldera Ertzaintzaren hainbat patruila agertu eta ustez epailearen agindua zena eskuetan eraikinean sartu dira. Barruan zeuden 14 bat gazte identifikatu eta adin txikiko bati zaplasteko bat eman diote. Gaztetxea nahi dutenean hustu dezaketela mehatxu egin ostean alde egin dute.

Ertzaintza Patakon Gaztetxean sartu da gaur arratsaldean eta barruan zeuden lagunak identifikatu ditu. Arratsaldean, 18:00ak aldera, gaztetxeko atera iritsi eta barrura sartu dira -agenteetako batek ustez epaileak eraikina husteko emandako agindua eskuetan zuela- bertan zeuden lagunak identifikatzera. Patakoneko kideek azaldu dutenez, gazteetako batek poliziei han zer egiten zuten galdetu dienean ertzain batek zaplastekoa eman dio.

Gazteak identifikatu eta gero alde egin dute, baina joan aurretik gaztetxea hustera edozein unetan joan daitezkeela esan diete.

Barañaingo gazteen aurkako zigorra berretsi du fiskalak

2010eko irailean herriko gaztetxearen desalojoa salatzeko eginiko protestengatik auzipetutako 20 gazte epaitu zituzten atzo. Hauetako bi kargurik gabe utzi bazituen ere, gainerakoei bederatzi hilabeteko kartzela zigorra berretsi die fiskalak, errepide bat moztea leporatuta.Barañaingo udalak gaztetxea hustera behartu ostean, mobilizazio ugari burutu zituzten bertako gazteek: aste osoko ekintzak udaletxe plazan, baraualdia eta errepide mozketa. Azken honetan bi gaztek porlanezko bidoi banatan besoak sartu zituzten, eta gainerakoek bridekin lotu zituzten hankak. Gazteek protesta amaitzeari uko egin ostean, Guardia Zibilak kargatu egin zuen.Atzoko epaiketaren ostean, gazteak epaia jakiteko zain geratu dira.

Barañaingo hogei gazteren epaiketa hasiko da gaur

Astelehenean, maiatzaren 14an, Barañaingo hogei gazte auzipetuak izango dira lokal autogestionatuak erreibindikatzeko egin zuten eserialdi batengatik. Hori salatzeko, manifestazioa egingo da ostiralean udaletxeko plazatik abiatuta.2010eko irailean, Barañaingo gazte ugarik kale mozketa burutu zuten, herriarentzat lokal autogestionatuak eskatzeko. Polizia berehala bertaratu zen eta era bortitzean oldartu zen lurrean eserita, zein inguruan zegoen jendearen aurka. Ugariak izan ziren zauritutakoak eta pertsona bat operatu behar izan zuten.

Manifestazioa ostiralean Barañaingo udaletxeko plazatik aterako da 19:00etan. Eta epaiketa salatzeaz gain, herriarentzat gauzak antolatu eta egiteko gero eta aukera gutxiago dituztela denuntziatuko dute.

Lokal huts bat okupatzen ahalegindu dira Gasteizko Errota auzoko gazteak

Gasteizko Errota auzoko lokal huts bat okupatu zuten hamarnaka gaztek atzo, baina polizia autonomikoa eta lokalaren jabea agertu eta negoziatzen saiatu arren, kalean geratu ziren. Desalojoa salatzeko, argazki masiboa aterako dute asteartean eta manifestazioa deitu dute ostegunerako.

Iragan azaroan jarri zuten martxan gazte lokal baten alde egiteko dinamika Errota auzoko gazteek eta, ordutik, ekintza ugari antolatu dituzte.

Mobilizazioak:

Otsailak 28, asteartea: 19:00etan, argazki masiboa Errotako Auzo Elkartean.
Martxoak 1, osteguna: 19:30etan, manifestazioa Aldabe gizarte etxetik.

Gasteizko Errota auzoko gazte asanbladaren oharra:

Errotako gazte asanblada, Errota Zaharreko arazoei alternatibak sortzea helburu duen gazte eragile anitza da. Auzoan dauden arazoak asko dira: ESPEKULAZIOA, ESKUBIDE URRAKETAK, AISIALDI ESKAINTZA OSO MURRITZA, MURRIZKETAK… Baina jakin badakigu posiblea dela beste Errota bat erikitzea. Eta horregatik, egunez egun gabiltza lanean, beste Errota aske eta koloretsu batean sinisten dugulako!!

Gainera, Gasteizko udaletxearen partetik, murrizketa asko ematen ari dira kultur arloan, gizarte esparruan… Eta horrek guztiak, Errotako auzokideoi zuzenean eragiten digu, ondorioak latzak direlarik.. Errotako Auzo Elkartea egoera larrian aurkitzen da: Errotako Auzo Elkartea aurrera eramateko diru laguntzak kenduko dituzte eta horrek local honen itxiera ekarriko du.

Gaztetxe baten aldeko istiluak 80.hamarkadan

Hona hemen ikusgai, NATOren kontrako manifestazio bat, Iruñeako alde zaharreko eraikin baten okupazioa eta ondorengo istiluen bideo interesgarri bat. Argi ikus daiteke azken 30 urteotan Iruñeako egoera zentzu honetan ez dela deus ere aldatu, gazteok lokal eske eta udaletxeak munipak hauen kontra bidaltzen.

KUKUTZA II berriz okupatzen saiatzeagatik irekitako auzia artxibatu egin du epaileak

Urtarrilaren 11n egin zuten azaroaren 16an Kukutza II Gaztetxea izan zena berriz okupatzen saiatzeagatik auzipetutako lagunen kontrako epaiketa. Eraikinaren jabeak 9.000 euroko kalte ordaina eskatzen zuen atea, horma eta leihoak apurtu zituztela argudiatuta. Auzipetuek, baina, kalteak Ertzaintzak eragin zituela frogatu dute.

13 atxilotu Zaramagako lokal berriaren desalojoan

Eguerdiko 14.30ak inguru, ehun bat gaztek Diego de Rojas kalean dagoen Arte ta Ofizioen Eskola zaharra (1996tik abandonaturik) okupatu dute. Hasiera batean, munipak agertu dira jendea identifikatzera. Beranduago, zipaioak agertu eta barruan itxita zeuden hamarna gazteei bortizki sartzeko mehatxua egin dute. Beraiekin hitz egin ostean lasaitu egin dira, Arabako Diputazioarekin (lokal hutsaren jabea) harremanetan jartzen ari zirelako, eta printzipioz desalojorik ez zela egongo. Azkenik, alde egin dute (ea noiz behin-betirako…), baina gazte lokala oraindik desalojo arriskuan dago… Zaramagako Gazte Asanbladak gerturatzeko eta auzolanera batzeko deia egin dute.

Arratsaldean zehar, arazorik gabe zabalik egon da gazte lokala. Inguruko auzokideen buzoneoa egin du ZGAk, eta bihar, dirudienez, egunerokotasunera bueltan, Arabako Diputazioaren jarreraren berri izango omen dugu… Aurrera bolie!

info+ gazteiraultza.info
GORA ZARAMAGAKO GAZTERIA!

Kukutza: 3 dias de ocupacion de un barrio

Dan luz verde al derribo de Kukutza

La jueza ha desatendido la petición de la asociación de vecinos Errekaldeberriz y ha levantado la suspensión cautelar de orden de derribo de Kukutza que había decretado el miércoles, con lo que da luz verde a la demolición. Desde el gaztetxe han hecho un llamamiento a acudir a Errekalde y para esta tarde, a las 20.00, se ha convocado una nueva manifestación.