Category Archives: Berriak – noticias

“HARRIZ HARRI, HERRIA ERAIKIZ” KANPAINA HASI DA

image

 

 

Harriz harri, herria eraikiz kanpaina abian da jada. Zizurko Gazte Asanbldak beorburura ateraldi bat egin zuen irailean, datorren kurtsoko plangintza zehazteko. Horretan, argi ikusi zuten krisia zela guztion egunerokoa zipristintzen duena eta hori izanen zela lanketan ardatz. Bestalde, denbora tarte jakinetan gai konkretuak zehaztu beharrean, egunerokotasunarekin jolastea zela egokiena adostu zuten, unean une gertatzen zenari garrantzia emanez. Horren guztiaren aurkezpena, azaroaren 17an egin zuten, Esparrun bertsoafaria antolatuz. Julio Soto eta Eneko Lazkoz izan ziren gonbidatuak.

Lehenengo ekintzak hasi dira jada, egitarauan ikusi daitekeenez. Aipatu, bitxikeri tailerrera hurreratu nahi duenarentzat, ongi legokela laten txapak eta nespresoen kapsulak gordetzea, baldin eta aukerarik badago.

Bestalde, hautatutako lemak badu bere arrazoia. Aurkezpenean proiektatutako bideoan, gazteon arazoak harrien bidez irudikatu ziren, zama baten modura. Gorritxok bere gain hartu zituen guztiak, baina une bat heldu zen, zeinean ezin zuen aurrera jarraitu, harriek gehiegi pisatzen baitzuten. Orduan, gazteak azaldu ziren Gorritxo laguntzeko. Guztiek batera eta elkarlanean eginen zieten aurre arazoei, argi zegoelako pertsona batek bakarrik ezin zuela.

Azkenik, aipatu nahi duena dagoela gonbidatua antoltatu diren ekintza guztietara. Zatoz eta parte hartu!

 

Udalak debekatutako akanpada Esparru Gaztetxean izango da

Luis Mari Iriarte (UPN) buru duen Zizurko Udal Gobernuak baimendu nahi izan ez duen GREBA MARTXAko AKANPADA Esparru Gaztetxean burutuko da. Beraz, 18:30tan Correos-en Martxari harrera egin ostean MANIFESTAZIOA burutuko dugu Zizurko kaleetan barrena, eta Zizurko Udaletxe aurrean batzar bat egin ostean eta martxistak kiroldegian dutxatu eta gero Esparru Gaztetxean afaldu eta gaua pasako dugu. Azkenik, goizeko 9:00tan Etxabakoitz eta Barañain aldera abiatuko gara berriz. Bertan parte hartzela gonbidatzen zaituztegu!

Greba Martxa Zizurrera iristen da asteazkenean!

Irailaren 19an, asteazkenean, LAB sindikatuak antolatutako GREBA MARTXA Zizurrera iritsiko da. Udaletxeak AKANPADA egiteko baimenarik eman ez duen arren Martxa 18:30tan iritsiko da Zizurrera eta Correosen egingo diogu harrera. Zizurko kaleetan manifestazioa egin ostean Udaletxe aurrean batzar irekia egingo dugu eta 22:00ak arte han egonen gara. Martxistek dutxatzeko aukera izango dute polikiroldegian eta horren ostean afaria eta gaua pasako dugu erabakitzeko dagoen tokiren batean. Hurrengo egunean, gosal ostean 9:00etan martxak bere bidea hartuko du eta Etxabakoitzerako bidea hartuko du.

Info+ www.labsindikatua.org